Grupo de canto tradicional e de taberna, do que forman parte máis de cincoenta mulleres e homes, dende os 20 ate os 80 e máis anos, creado pola Asociación Veciñal e Cultura Casco Vello de Vigo para manter e recuperar a canción tradicional moi popular nas prazas e bares do barrio mariñeiro do Berbés
O venres, 28 de marzo, Día da Reconquista, o Orfeón Mariñeiro do Berbés actuará na Porta do Sol de Vigo partir das 12:30 horas.
O concerto será dunha hora de duración, no que interpretará cantigas do repertorio popular galego e portugués, Serán cantigas para quen queira bailar o faga e para quen queira cantar connosco que tamén cante.
É un día para sacar do baúl a vestimenta tradicional e participar na festa que encherá as rúas do barrio vello de música, artesanía e gastronomía popular.
O venres, 7 de febreiro, ás oito da tarde, o Orfeón mariñeiro do Berbés participará no 8º Concerto solidario: por eles e por elas, no Teatro Afundación (antes Teatro García Barbón). O concerto está oganizado por SUEVIA: gestión de riesgos y seguros en beneficio de Stop leucemia: Fundación contra el cáncer hematológico.
No concerto participarán: Guadi Galego, Os carunchos, Ardentía e o Orfeón,
As entradas poden mercarse n' Ataquilla
O sábado, 16 de novembro, ás 20:00 horas, o Orfeón Mariñeiro do Berbés ofrecerá un concerto no Centro Veciñal e Cultural de Valadares, no ciclo Outono músical.
Para chegardes, pulsar no enlace
O xoves, 31 de outubro, víspera de Santos, participaremos na celebración do Samaín que organiza a Asociación Cultural e Veciñal do Casco Vello na praza dos Ratos, na contorna do Berbés. Cantaremos a partir das 21.00 horas cantigas do noso repertorio popular.
O Orfeón Mariñeiro do Berbés da Asociación Veciñal e Cultural Casco Vello, celebra o cincuentenario da revolución portuguesa co acto "50 anos do 25 de abril. Cantámoslle á Revoluçao do Cravos" o xoves, 25 de abril, ás 20.30 horas, na praza de Almeida, do barrio vello de Vigo.
Cantaremos unha parte do noso repertorio de música popular portuguesa e remataremos o acto cantando Grândola Vila Morena, a cantiga de Zeca Afonso que serviu de sinal para o inicio da revolución.
O domingo, 4 de febreiro, participaremos, xunto a outras corais, no primeiro dos concertos "Ao Son das Illas Cíes", organizado por ACOPOVI e que se cecebrará no Teatro Afundación (antes García Barbón).
Co gallo da celebración do 116 aniversario da estrea do Himno Galego, celébranse por toda Galiza actos de conmemoración da efeméride. En Vigo, ás oito da tarde do 20 de decembro, no Auditorio do Mar de Vigo. Para chegares sen perderte, aquí tes o mapa.
No acto cantarán os grupos Cantares do Brión e o Orfeón Mariñeiro do Berbés interpretando cantigas dos seus repertorios e rematará coa interpretación conxunta do Himno Galego.
