Grupo de canto tradicional e de taberna, do que forman parte máis de cincoenta mulleres e homes, dende os 20 ate os 80 e máis anos, creado pola Asociación Veciñal e Cultura Casco Vello de Vigo para manter e recuperar a canción tradicional moi popular nas prazas e bares do barrio mariñeiro do Berbés
Co gallo da celebración do 116 aniversario da estrea do Himno Galego, celébranse por toda Galiza actos de conmemoración da efeméride. En Vigo, ás oito da tarde do 20 de decembro, no Auditorio do Mar de Vigo. Para chegares sen perderte, aquí tes o mapa.
No acto cantarán os grupos Cantares do Brión e o Orfeón Mariñeiro do Berbés interpretando cantigas dos seus repertorios e rematará coa interpretación conxunta do Himno Galego.
O sábado, 17 de xuño, ás 19.00 horas, o Orfeón Mariñeiro do Berbés participará como convidado no X Festival Augas de Maio que organiza a Asociación Veciñal de Candeán. Para chegares, preme no enlace
O domingo 21 de maio, ás sete da tarde, o Orfeón Mariñeiro do Berbés ofrecerá un concerto na XVIII Feira Tradicional de Artesanía “Arte na Illa”, que organiza dende 2004 a Asociación Folclórica e Cultural Meiramar-Axóuxeres.
